La ĉina bankedo, ĉe ronda tablo, havas enir- kaj ĉefpladojn kaj deserton, metatajn unu post alia. La bankedanoj elektas tion, kion ili volas manĝi kaj ankaŭ ĝian kvanton, prenante de la pladoj kiuj kuŝas sur turniĝanta parto de la tablo. Vi povas manĝi per bastonetoj, aŭ, se vi preferas, forko kaj tranĉilo. Krom la delicaj manĝaĵoj, la prezo inkluzivas ankaŭ unu botelon da ruĝa vino sur ĉiu tablo, gas-trinkaĵon (kolaon), bieron, mineralan akvon, sukojn (oranĝan, poman kaj pampelmusan), kafon kaj teon.

Menuo

Sep specoj de malvarmaj pladoj

Acid-akra supo el sepi-ovoj

Brezita halioto kun legomoj

Frititaj freŝaj salikoketoj kun fruktoj

Fritita loligo kun dolĉpika saŭco "xo"

Frititaj tranĉaĵoj de bovaĵo kun nigra pipro kaj saŭco

Vaporumita mandarena fiŝo

Dongpo-a femuraĵo kun legomoj

Rostita pekina anaso

Frititaj fazeoletoj kun lardumita porkaĵo

Rizo fritita kun salikoketoj

Ĉinaj kukoj

Freŝaj fruktoj

Menuo por vegetaranoj

Supo el aromaj fungoj kaj legomoj

Blankaj fungoj brezitaj en bruna sojo

Fritita tranĉita giromitro

Frititaj fungoj kun peklita kapsiko

Kampa agariko kun legomoj

Salato el maizŝosoj, karotoj kaj lentoj

Frititaj dolĉaj faboj

Fritita toufuo kun giromitro kaj bambu-ŝoso

Ĉinaj kukoj

Fritita rizo kun sezonaj legomoj

Freŝaj fruktoj

Prezo: 45 EUR