Je la 10-a horo de la 24-a de julio laŭ la loka tempo, inaŭguriĝis la 90-a Universala Kongreso en la litova ĉefurbo Vilno. Prezidanto de Universala Esperanto-Asocio sinjoro Renato Corsetti prezidis la inaŭguron. Ĉirkaŭ 2 300 samideanoj el pli ol 60 landoj ĉeestis al ĉi-foja kongreso, kies ĉeftemo estas "Universalaj Kongresoj: 100 jaroj de interkultura komunikado". La 90-a UK okazas cent jarojn post la fama Unua Kongreso en Bulonjo-ĉe-Maro, iasence ĝi estas jubilea kongreso.