La 10-an de aprilo en Pekino, proparolanto de la ĉina Ministerio pri Eksteraj Aferoj Qin Gang diris, ke Ĉinio posedas la ne-pridisputeblan suverenecon super la insularo Nansha kaj ĝia ĉirkaŭa marareo, kaj la agado en tiu marareo solflanke alprenita de iu ajn lando estas atenco al teritoria suvereneco, suvereneca rajto kaj administra rajto de Ĉinio, ankaŭ kontraŭleĝa kaj senvalida.
En gazetara konferenco okazinta samtage, respondante demandon de ĵurnalisto, Qin Gang diris, ke serio da novaj agoj prenitaj de Vjetnamio en la insularo Nansha malobservis la gravan komunan konon atingitan de gvidantoj de Ĉinio kaj Vjetnamio pri la mara problemo. La ĉina flanko esprimas seriozan atenton pri tio kaj jam elmetis severan proteston al la vjetnama flanko.
|