En la 27-a de decembro en Pekino, en la regula gazetara konferenco, Qin Gang, proparolanto de ĉina Eksterafera Ministerio, esprimis, ke dum la vizito al Ĉinio fare de japana ĉefministro Fukuda Yasuo, gvidantoj de Ĉinio kaj Japanio interŝanĝos opiniojn pri la sesflanka interparolo de nuklea problemo kaj sennukleeca problemo de Korea Duoninsulo.

En la regula gazetara konferenco, okazinta en la sama tago, Qin Gang diris, ke Ĉinio esperas, ke oni povos daŭre teni kaj plifortigi la intimajn interfluojn kaj kunlaborojn dum la procezo de sesflanka interparolo.

Qin Gang esprimis, ke realigi sennukleecon en Korea Duoninsulo kaj pacon kaj stabilecon en nordorienta Azio kaj normaligon de rilatoj inter koncernaj landoj estas finfina celo de la sesflanka interparolo kaj konformas al la konumaj interesoj de la ses flankoj.