La 6-a de februaro ĉi-jare estas la antaǔtago de la ĉina tradicia Printempa Festo. De tiu tago ĉinoj havas sian semajnan feriadon kaj celebras tiun ĉi plej solenan tradician feston per diversaj manieroj.

Laǔ tradicio, dum la Printempa Festo ĉinoj kutime kuniĝas kun la familianoj. Tamen pro tio, ke en la meza tagdeko de la lasta monato partaj regionoj en suda Ĉinio trafis severan katastrofon de pluvneĝado kaj frosto, la trafikado kaj transportado en tiuj lokoj estis serioze influataj. Milionoj da homoj estis retenitaj survoje al la hejmloko. Sub la komuna klopodado de diversaj flankoj, la trafikado kaj transportado en tiuj lokoj iom post iom restariĝis. Plejpartaj vojaĝantoj retenitaj pro la neĝa ŝtormo jam revenis al siaj hejmlokoj kaj rekuniĝis kun siaj familianoj.