La komento diras, ke post la serioza perforta krimado de batado, detruado, prirabado kaj bruligado en Lasao de Tibeto, iuj okcidentaj amaskomunikiloj ripetade faras distordajn raportojn pri la evento, atakas la ĉinan registaron pro ĝiaj aranĝoj kaj politikoj pri Tibeto, foje refoje riproĉas la ĉinan registaron "senigi tibetanojn je ilia libereco pri religia kredo". Ili ankaŭ fiintence implikas la Pekinajn Olimpikojn kaj distrumpetas bojkoti la Olimpikojn.

La komento montras, ke la faktoj estas nedistordeblaj kaj neniel kaŝeblaj. La ĉina registaro estas vaste subtenata kaj komprenata pro siaj starpunkto kaj aranĝoj. Pli ol 100 landoj kaj internaciaj organizoj donis sian justecan voĉon. Tibetanoj staras en la flanko de solidareco kaj stabileco. Per siaj mensogoj, tiuj okcidentaj amaskomunikiloj ne povas reprezenti la veran internacian publikan opinion.

La komento montras, ke ni firme konvinkiĝas, ke la ĉina popolo, inkluzive de la tibetaj samlandanoj, kaj la pacama monda popolo alte taksanta amikecon, certe povas distingi veron dis de malvero, klare koni la damnindan intrigon de Dalai-kliko kaj subteni la ĉinan registaron pri ĝiaj politikoj kaj rimedoj protektantaj la ŝtatan unuecon, socian stabilecon kaj akcelantaj evoluadon kaj progresadon de Tibeto. La sportistoj kaj spektantoj el diversaj landoj certe aktive partoprenos en la Pekinaj Olimpikoj. Ilin renkontos la ĉina popolo per brila rideto.