Usona turisto Jim Kreston estas vidinto de la perforto de la 14-a de marto en Lasao. Antaŭ nelonge li akceptis intervjuon de ĉinaj raportistoj. Li diris, ke oni ne devas per "subpremo" taksi traktadon de la ĉina registaro pri la evento, ĉar ĉinaj policanoj plenumis sian devon por renormaligi la ordon.

Jim Kreston, 60-jara inĝeniero de iu usona kompanio pri mediprotekta inĝenierado, kiu ĵus revenis al Usono post la vojaĝo en Ĉinio, diris al ĉinaj raportistoj en la oficejo en Ĉikago, ke la 3-taga restado en Lasao, komence de mateno de la 14-a de marto, estas la plej neforgesebla por li dum la vojaĝo en Ĉinio.

Li diris, ke la reago de la ĉina registaro kontraŭ la perforto ne estas subpremo. Li emfazis: "Mi ne vidis armeanojn nek armilojn, eĉ gardistoj en kontrolejoj estas senarmilaj."