| La 13-an de majo, amaskomunikiloj de Usono, Japanio, Aŭstralio, Britio, Nov-Zelando, Svislando, Malajzio kaj Tajlando sinsekve publikigis artikolojn, donis atenton al katastrofa stato en la gubernio Wenchuan de la ĉina provinco Sichuan kaj faris pozitivan takson al prisava laboro fare de la ĉina registaro. La 14-an de majo, ankaŭ singapuraj amaskomunikiloj publikigis artikolon kaj laŭdis la ĉinan registaron pro ĝia prisava laboro.
Raporto de Associated Press laŭdis, ke la ĉina registaro rapide agis kaj faris prisavan laboron. La raporto diras, ke la ĉina registaro rapide sendis helpan forton al katastrofejo, tio montras altan atenton de ĉinaj gvidantoj al la prisava laboro. Samtempe, tio montris, ke Ĉinio kapablas solvi iun ajn problemon, eble aperontan dum Olimpikoj.
Japana ĵurnalo "Mainichi Shimbun" publikigis artikolon sub la titolo "Ĉina ĉefministro Wen Jiabao rapide venis al katastrofejo kaj sava situacio estas plej malofta". La artikolo diras, ke informiĝinte pri la tertremo, ĉina ĉefministro Wen Jiabao rapide veturis al la katastrofejo kaj la registaro alprenis raran savan sintenon.
Aŭstralia retejo de "Aŭstraliana Ĵurnalo" publikigis artikolon dirante, ke la reago de la ĉina registaro montras, ke ili jam lernis multajn aferojn el katastrofoj en la lastaj jaroj.
Britaj radia korporacio BBC kaj ĵurnalo "The Times" respektive publikigis artikolojn laŭdante la ĉinan rapidan reagon al tertremo en Sichuan.
Tiutage en elstaraj lokoj, diversaj germanaj ĉefaj amaskomunikiloj raportis staton de la tertremo en Sichuan. Iuj amaskomunikiloj aparte atentis rapidajn kontraŭkatastrofajn reagon kaj aranĝon, fare de la ĉina registaro.
Ankaŭ nov-zelandaj ĉefaj amaskomunikiloj en la angla lingvo raportis la tertreman staton, samtempe konfirmis la kapablon de la ĉina registaro pri ĝustatempa informiĝo, altefika prisava organizo kaj regado kontraŭ katastrofo.
Svislandaj amaskomunikiloj raportis la tertremon en Sichuan en rimarkindaj lokoj.
Malajziaj ĵurnaloj en la angla kaj ĉina lingvoj raportis la tertremon. Ankaŭ iuj novaĵ-retejoj senĉese raportas plej freŝajn informojn pri la tertremo.
Tajlanda ŝtata televizia stacio intervjuis agenton de ĉina ambasadorejo en Tajlando sinjoron Zhang Guoqing, kaj Zhang Guoqing konigis la plej freŝan staton kaj progreson de ĉina prisava laboro.
La 14-an de majo, singapura ĵurnalo "Lianhe Zaobao" publikigis komenton opiniante, ke la ĉina registaro rapide reagis, amaskomunikiloj ĝustatempe faris raporton, tio ludis grandan rolon por trankviligi popolanojn. |
