La 19-an de junio en Pekino, He Jianzhong, novaĵ-proparolanto de la ĉina Ministerio pri Trafiko kaj Transporto, diris, ke la ministerio planas rekonstrui en tri jaroj la aŭtovojojn detruitajn de la tertremo.

En gazetara konferenco de la ministerio He Jianzhong diris, ke la tertremo difektis ekspresajn aŭtovojojn, trunkajn aŭtovojojn kaj kamparajn ŝoseojn en la provincoj Sichuan, Gansu kaj Shaanxi, kaj la rekta ekonomia perdo atingis 67 miliardojn da juanoj.