La 24-an de januaro en Pekino, la Centra Komitato de la Komunista Partio de Ĉinio kaj la Ŝtata Konsilantaro okazigis kunvenon celebran al la baldaǔ alvenonta Printempa Festo. Ĝenerala sekretario de la Centra Komitato de la Komunista Partio de Ĉinio, ŝtata prezidanto kaj prezidanto de la Centra Militafera Komisiono Hu Jintao, prezidanto de la Konstanta Komitato de la Tutlanda Popola Kongreso Wu Bangguo, ĉefministro Wen Jiabao, prezidanto de la Tutlanda Komitato de la Ĉina Popola Politika Interkonsiliĝa Konferenco Jia Qinglin kaj aliaj ŝtataj kaj partiaj gvidantoj ĉeestis al la kunveno kaj kune celebris la Printempan Feston kun diversrondaj personoj.

En la kunveno ĉefministro Wen Jiabao faris novjaran saluton al diversnaciecaj popolanoj de la tuta lando kaj bondezirojn por pli feliĉa kaj pli bela vivo al hongkong-aj, aomen-aj kaj taiwan-aj samlandanoj kaj eksterlandaj ĉindevenuloj.

Wen Jiabao esprimis, ke en la nova jaro Ĉinio prenos stabilan kaj relative rapidan kreskadon de la ekonomio kiel la ĉefan taskon, praktikos pozitivan financan politikon kaj malstreĉan monan politikon por rapidigi strategian reguligon de la ekonomia strukturo.