Pro ĉesigo de EU-subvencioj la financa situacio de TEJO en 2012 estas nekutime malfacila. La jaro kredeble finiĝos kun deficito de 6.000 eŭroj. En la venonta jaro la deficito atendeble rapide kreskos, ĉar la asocio jam ne povos ricevi novajn subvenciojn de Eŭropa Unio, kiu post esploro konstatis, ke TEJO ne estas sendependa junulara asocio, sed sekcio de UEA. Por plu funkcii TEJO venontjare devos preni monon el sia kapitalo. Daŭre mankas laborfortoj por la preparo de papera versio de Pasporta Servo.