Usui vizitas Tekulturan Instituton

Mi supozis, ke hodiaŭ estas tago por transiro, transiro de la universitato al te-kultivantaj kamparanoj. Sed tiu antaŭsupozo estas agrable perfidita, ĉar la tago montriĝas pli ol simpla veturado de unu loko al alia. Ni, la eksterlandaj raportistoj, estas veturigitaj unuope, sed kompreneble en akompano de ĉinaj interpretisto kaj filmisto, al diversaj lokoj famaj pro diversaj specoj de teo en la proksimeco de Hangzhou.