Ĉina kaj argentina ŝtatestroj konsentis akceli ampleksan strategian partnerecon

Merkrede en la Granda Popola Halo en Pekino ĉina prezidanto Xi Jinping renkontiĝis kun vizitanta argentina prezidento Mauricio Macri. La du ŝtatestroj konsentis vastigi reciprokprofitan amikan kunlaboron en diversaj kampoj kaj antaŭenpuŝi ampleksan strategian partnerecon inter la du landoj por plua disvolviĝo.

Xi montris, ke ĉi-jare estas la 45a datreveno de establo de diplomatiaj rilatoj inter Ĉinio kaj Argentino. Plifortigo de kunlaboro inter Ĉinio kaj Argentino, membroj de G20 kaj gravaj novaj merkatoj, ne nur konformas al la bazaj interesoj de la du landoj kaj iliaj popoloj, sed ankaŭ utilas al prospero kaj stabileco de la mondo.

Macri varme gratulis Ĉinion pro la plensukcesa okazigo de Forumo de la Zono kaj Vojo por Internacia Kunlaboro. Li diris, ke Argentino klopodas akceli disvolvadon de la ampleksa strategia partnereco inter la du landoj, persistas en la politiko de unu Ĉinio, kaj volas antaŭenigi duflankan reciprokprofitan kunlaboron surbaze de respekto kaj reciproka konfido, akceli interkomprenon inter la du popoloj kaj pliigi komunajn konsentojn.