LA VINO | Dimitrije Diso Janičić |Montenegro

(GMT+08:00) 2017-05-26 16:54:54     Redaktoro:Li

LA VINO

Dimitrije Diso Janičić |Montenegro

Somero dormas en la vino

la vino floras en mia sango

timigita de forpasemo

mi kaptemas al vinpajlero

sed gorĝo-abismo

neniel plenigeblas.

 

Mi provas leviĝi

super stelojn

kaj dronas en la nebulon

ĉio aspektas pli facila, pli bela

ĉio havas la solvon

dum Suna sango

fluas tra miaj vejnoj.

 

Mi forrabas ĝian varmon

ĝi redonas al mi perditan liberon

mi ploras pri antikvaj prauloj

fluante kiel printempa torento

en nebuleton de neekzisto

en senzorgon

mi tretas propran realon.

 

Mi kuregas – mi estas rivera ŝanelo

mi tretas memheroecon

transverŝas kaŝitajn pensojn

fuĝas el tombo de nokto

mi

ebriulo kun la infana animo.

 

Dum lipoj miaj sekigas glason

mi ekestas ĉion kaj nenion

mi hurlas kiel ventego

flustras kiel cigana violono

ridetas kvazaŭ infaneto

malpeza kiel perdita juneco

mi ŝvebas en spaco senlima.

 

Vino vibras en mi

aŭ mi en ĝi

mi malŝatas malebrian ŝoseon

ĝi irigas min al nekonateco.

 

Mi

amanto de la aŭroro

tostas al la tagiĝo.

Fotaro

© China Radio International.CRI. All Rights Reserved.Pri ni   |  Kontaktu Nin