.gif)
Programo (Julio 13)La 8an de junio, en Tianjin, okazis la simpozio "formado de homara sortkomunumo kaj mondskale homrajta administrado", organizita de la Ĉina Instituto pri Homaj Rajtoj kaj de la Propaganda Departamento de la Partia Komitato de la urbo Tianjin kaj asistita de Universitato Nankai.
En sia salutparolo Qiangba Puncog, vicprezidanto de la Nacia Popola Kongreso de Ĉinio kaj prezidanto de la Ĉina Instituto pri Homaj Rajtoj, diris, ke en januaro de ĉi jaro, kiam la ĝenerala sekretario Xi Jinping faris diskurson en la sidejo de UN en Ĝenevo, li sisteme kaj profunde eksplikis tiun ĉi gravan epokan temon "formado de homara sortkomunumo", kiu ne nur montris la direkton reagi al la nuna tutgloba defio, sed ankaŭ proponis la ĉinan projekton por plifortigi kaj plibonigi la tutmondan administradon pri homaj rajtoj, kaj kiu vekis fortan reeĥon el diversaj flankoj kaj vastan kunsenton de la internacia komunumo.
En la simpozio, vicestro de la Propaganda Departemento de Centra Komitato de la Komunista Partio de Ĉinio, vicestro de ĉina esplora centro pri homaj rajtoj, Cui Yuying montris, ke la koncepto "formado de homara sortkomunumo" gvidas novan disvolvadon de la teorio de homaj rajtoj. Ŝi diris, ke nuntempe negativa influo de internacia financa krizo ankoraŭ ekzistas kaj sporadaj kaosoj kaj konfliktoj en partaj regionoj de tempo al tempo okazas, cetere kelkaj netradiciaj minacoj, kiaj terorismo, krizo de rifuĝintoj kaj klimata ŝanĝiĝo kontinue disvastiĝas. En tia stato, prezento de la koncepto pri "formado de homara sortkomunumo" havas speciale gravan signifon. Ĝi konformas ne nur al tendenco de la epoko kaj historio, sed ankaŭ al komuna alvoko de ĉiuj popoloj rilate al strebo al paco, disvolvado, kunlaboro kaj progreso.
En la lastaj jaroj la ideo "formado de homara sortkomunumo" estis sinsekve enskribita en rezoluciojn de UN, de la Sekureca Konsilio de UN, kaj de la Homrajta Konsilio de UN, kaj jam fariĝis grava diskuttemo en la internacia parolsistemo pri homaj rajtoj.
