Banko: Protektismo kaj troa ŝuldo malhelpos tutmondan kreskon

(GMT+08:00) 2017-06-26 14:30:54     Redaktoro:Yu

Banko por Internacia Kontreguligo, kies stabejo troviĝas en la svisa urbo Basel, diris dimanĉe, ke iom rapidiĝis la reprosperigo de la tutmonda ekonomio, tamen la ekonomio ankoraŭ alfrontas la riskojn de komerca protektismo kaj troa ŝuldo.

La banko diris en sia nova raporto pri ekonomia taksado, ke la monda ekonomio montriĝis pli bona kaj espereble atingos la plej bonan nivelon de relative longa periodo en la venontaj kelkaj monatoj. La raporto prognozis, ke la monda ekonomio kreskos ĉi-jare per 3,5%, kaj tiu kresko estas proksima al la averaĝo, kvankam ĝi estas malpli alta ol tiu antaŭ la financa krizo.

La raporto rimarkigis, ke la ekonomia reprosperigo eble treniĝos pro malrapidiĝo de la kresko de konsumado. Kun altigo de interezprocento en iuj landoj, altiĝos la nivelo de la ŝuldo, kaj tio alportos negativan influon al konsumado, la ĉefa motoro de ekonomia reprosperigo. La raporto aldonis, ke investado estas alia grava motoro de ekonomia reprosperigo, sed la nuna invest-nivelo estas multe pli malalta ol tiu antaŭ la financa krizo.

Fotaro

© China Radio International.CRI. All Rights Reserved.Pri ni   |  Kontaktu Nin