Pakistano refoje alvokis hindan diplomaton pro konflikto en Kaŝmiro

(GMT+08:00) 2017-07-10 13:06:13     Redaktoro:Shanshan

Dimanĉe la pakistana Ministerio de Eksterlandaj Aferoj refoje alvokis altrangan vickomisaron de Hindio al Pakistano, esprimis proteston pro la armita konflikto inter la du flankoj en sabato kaj postulis, ke Hindio obeu la interkonsenton pri militpaŭzo, atingitan en 2003.

Tiutage la Pakistana Ministerio de Eksterlandaj Aferoj publikigis deklaron, dirante, ke sabate apud la linio de reala regado en Kaŝmiro, hindaj trupoj senkiale pafis al la pakistana flanko, mortigante kvin pakistanajn civilulojn. Pakistano postulis, ke Hindio enketu pri ĉi-foja kaj aliaj okazaĵoj, kiuj malobservis la interkonsenton, kaj samtempe vokis la militobservan grupon de UN en Hindio kaj Pakistano ludi la rolon kiel mediacianto.

Fotaro

© China Radio International.CRI. All Rights Reserved.Pri ni   |  Kontaktu Nin