Irana prezidento Rouhani subtenas Kataron

Irana prezidento Hassan Rouhani publike esprimis sian subtenon al Kataro kaj oponis la premadon de kvar arabaj landoj kontraŭ Kataro.

Rouhani faris la rimarkojn dum renkontiĝo kun omana ministro pri eksterlandaj aferoj Yusuf bin Alawi bin Abdullah. Li diris, ke minaco, premado kaj sankcioj kontraŭ Kataro estas tre eraraj, kaj necesas rimedoj por malaltigi la streĉecon.

Rouhani diris, ke rimedoj de iuj landoj severigis la krizojn en Jemeno kaj Sirio, kaj tia situacio malutilas al interesoj de ĉiuj landoj en la regiono. Irano bonvenigas ĉiujn klopodojn, kiuj helpas haltigi konfliktojn en Mezoriento. Li aldonis, ke intertraktado estas la sola vojo al solvado de la krizoj en Jemeno kaj aliaj landoj.