IMF ĝisdatigis sian prognozon pri kresko de ĉina ekonomio

La Internacia Mona Fonduso publikigis ĝisdatigitajn enhavojn de la raporto Perspektivo de la Monda Ekonomio lunde en la malajzia ĉefurbo Kuala-Lumpuro, plialtigante la anticipon de kresko de la ĉina ekonomio en 2017 kaj 2018 ĝis 6,7% kaj 6,4% respektive.

Estis la tria fojo en tiu ĉi jaro, ke la Internacia Mona Fonduso plialtigis la anticipon de kresko de la ĉina ekonomio. Ĝi diris, ke la lasta plialtigo estis pro la forta prezentiĝo de la ĉina ekonomio en la unua kvarono de la kuranta jaro kaj pro plua financa subteno.

La Internacia Mona Fonduso opiniis, ke la monda ekonomio daŭre reprosperiĝas, kaj ĝi prognozis, ke la kresko atingos 3,5% kaj 3,6% respektive en la venontaj du jaroj, kaj la anticipo estas egala kun tiu farita en aprilo.

Laŭ la raporto, la evoluintaj ekonomioj kreskos je 2% en la kuranta jaro, kaj la anticipo de la kresko en la venonta jaro estis malaltigita ĝis 1,9%.