Wang Yi alvokis realigi komunan disvolvon dum konstruado de Zono kaj Vojo

(GMT+08:00) 2017-08-04 10:43:21     Redaktoro:Li

Ĵaŭde en Pekino, ĉina ministro pri eksterlandaj aferoj Wang Yi kaj lia turka samrangulo Mevlut Cavusoglu kune intervidiĝis kun ĵurnalistoj post sia konsiliĝo.

Wang diris, ke la kuna konstruado de la Zono kaj Vojo estas konforma al la komunaj profitoj de Ĉinio kaj Turkio. Ĉinio alte admiras la ĉeeston de turka prezidento al la Forumo de la Zono kaj Vojo por Internacia kunlaboro, kaj dankas Turkion pro ĝiaj kontribuoj al la forumo.

Wang diris ankaŭ, ke Turkio estas grava nodo de la Zono kaj Vojo. Ĉinio volas labori kun Turkio por disvolvi la spiriton de la antikva Silka Vojo, aldoni enhavojn de la nova epoko al ĝi, ekspluati novan potencialon de kunlaboro dum antaŭenigo de la konstruo de la Zono kaj Vojo, kaj vastigi novajn kunlaborajn kampojn por realigi reciprokan profiton kaj komunan disvolvon.

Fotaro

© China Radio International.CRI. All Rights Reserved.Pri ni   |  Kontaktu Nin