Saud-Arabio malfermas landliman trairejon al kataraj pilgrimantoj

Saud-arabia reĝo Salman bin Abdulaziz Al Saud merkrede promulgis dekreton, permesante al kataraj pilgrimantoj eniri Saud-Arabion tra la landlima trairejo Salwa sen elektronikaj permesiloj.

La saud-arabia novaĵ-agentejo raportis, ke la reĝo ordonis malfermi la landliman trairejon, permesante al kataraj pilgrimantoj iri al Mekko por haĝo sen elektronikaj permesiloj. Krome, la saud-arabia registaro sendos aviadilojn de la Saud-arabia Flugkompanio al la katara ĉefurbo Daŭho por transporti pilgrimantojn.

Tio estas signo indikanta mildigon de la krizo, de post kiam Saud-Arabio kaj kelkaj aliaj landoj rompis diplomatiajn rilatojn kun Kataro en junio.