Ĉinio sekvos racian, kunordigitan kaj ekvilibran nuklean sendanĝerecon

Ĉina altrangulo diris lunde, ke Ĉinio sekvas racian, kunordigitan kaj ekvilibran manieron de nuklea sendanĝereco kaj sekureco en disvolvado de nuklea energio.

Tang Dengjie, estro de la ĉina delegacio al la 61a Ĝenerala Konferenco de la Internacia Atom-Energia Agentejo en Vieno, faris la rimarkojn dum la malferma ceremonio de la konferenco.

Tang, kiu estas ankaŭ prezidanto de la Ĉina Atom-Energia Aŭtoritato kaj vicministro pri industrio kaj informadika teknologio, diris, ke Ĉinio subtenas la politikon por efika disvolvado de nuklea energio surbaze de sendanĝereco kaj sekureco. Li diris, ke la Leĝo pri Nuklea Sendanĝereco, kiu estis adoptita de la plej alta leĝdona organo de Ĉinio aŭ la Konstanta Komitato de la Nacia Popola Kongreso en la komenco de tiu ĉi monato, liveros fortan subtenon al la sekura kaj daŭrigebla disvolvado de nuklea energio en Ĉinio. De post la nuklea akcidento en Fukushima, Japanio en 2011, ampleksaj sekurecaj inspektoj estis efektivigitaj en ĉiuj nukleaj instalaĵoj en Ĉinio. Tang aldonis, ke Ĉinio apogas la gvidan rolon de la Internacia Atom-Energia Agentejo en la internacia kunlaboro pri nuklea sekureco.