Irano avertis Usonon pri sekvoj de retiro el nuklea interkonsento

(GMT+08:00) 2017-10-12 14:21:21     Redaktoro:Yu

Irana prezidento Hassan Rouhani avertis merkrede, ke Usono fariĝos malsukcesinto, se usona prezidento Donald Trump decidos forlasi la internacian nuklean interkonsenton pri Irano

Loka amaskomunikilo raportis, ke Rouhani diris en semajna kunveno de la kabineto, ke se ili denove faros siajn fruajn erarojn, ili alfrontos tutmondan embarason. Li aldonis, ke ili ne timas usonajn rimedojn, kaj la internacia komunumo komprenos, kiu estas nekredebla kaj la mensoganto.

Rouhani diris, ke la nombro da landoj, kiuj subtenas la malamikan sintenon de Vaŝingtono pri la nuklea interkonsento, povus esti kalkulita per la fingroj de unu mano, kaj samtempe, aliaj partioj de la interkonsento ne subtenas Usonon iri el la interkonsento.

Depost sia enoficiĝo sur la posteno de prezidento, Trump montris necedeman sintenon al Irano, kaj minacis eliri el la nuklea interkonsento pri Irano. Sed Irano fojfoje asertis neeblecon de refoja intertraktado. Amaskomunikiloj ĝenerale opiniis, ke Trump anoncos novan politikon pri Irano en la proksima estonteco.

Fotaro

© China Radio International.CRI. All Rights Reserved.Pri ni   |  Kontaktu Nin