Iraka ĉefministro ĵuris konservi nacian unuecon

Iraka ĉefministro Haider al-Abadi diris ĵaŭde, ke la iraka registaro firme konservos nacian unuecon.

Abadi, ankaŭ ĉefkomandanto de la irakaj armitaj fortoj, diris dum renkontiĝo kun delegacio de tribaj presbiteroj kaj la provinca registaro de Anbar, ke konservi la unuecon de Irako, protekti interesojn de civitanoj kaj la nacio estas devoj de la centra registaro sub lia gvidado. Li aldonis, ke Irako neniel povas denove fali en socian splitiĝon kaj konflikton inter religiaj sektoj, kiuj aperis post la invado de la usona armeo en 2003.

Delonge estas streĉeco inter la centra registaro de Irako kaj la norda kurda aŭtonoma regiono, kiu intencas sin apartigi de la lando. La streĉeco plialtiĝis junie, post kiam la kurda regiono deklaris okazigi referendumon pri sendependeco.