Transmaraj ĉinoj aspiras al bela estonteco de Ĉinio

Multaj ĉinoj aspiras al la venonta Ĉinio kun blua ĉielo, verda tero, pura akvo kaj belaj pejzaĝoj. Ĝenerala sekretario de la Komunista Partio de Ĉinio (KPĈ) Xi Jinping unuafoje prezentis en la raporto al la 19a Nacia Kongreso de la KPĈ la celon konstrui Ĉinion en grandan modernan socialisman landon, kiu estas prospera, forta, demokratia, kulture progresinta, harmonia kaj bela kaj amplekse eksplikis la strategion pri akcelado de sistema reformo de ekologia civilizacio, antaŭenigo de verda evoluigo kaj konstruado de bela Ĉinio. Multaj transmaraj ĉinoj diris, ke plibonigo de ekologio estas jarmila programo por kontinua disvolvado de la ĉina nacio.

Chen Xueqin, estro de la societo de ĉinoj el Fujian-provinco en la usona ŝtato Sud-Kalifornio, diris, ke la raporto al la 19a Nacia Kongreso diris, ke la ĉefa kontraŭdiro alfrontata de la ĉina socio en la nova epoko estas tiu inter neekvilibra kaj nesufiĉa disvolviĝo kaj la ĉiam kreskantaj bezonoj de la popolo pri pli bona vivo. Chen diris, ke de post la komenco de reformo kaj pordmalfermo, Ĉinio akiris rimarkindan atingon en disvolvado de ekonomio, kaj samtempe ĝi pagis grandan koston de ekologia medio. Nun la ĉina popolo forte aspiras al bela hejmlando kun blua ĉielo, verda tero kaj pura akvo.