Gvidantoj de sud-eŭropaj landoj diskutas pri ŝlosilaj demandoj de EU

Gvidantoj de sep sud-eŭropaj landoj kunvenis merkrede vespere en la itala ĉefurbo por trakti ŝlosilajn demandojn de la Eŭropa Unio en 2018.

Deklaro publikigita de la oficejo de itala ĉefministro Paolo Gentiloni diris, ke la pintkunveno kun la partopreno de Italio, Francio, Hispanio, Portugalio, Grekio, Malto kaj Kipro, komenciĝis je la 18a horo kaj 30 minutoj laŭ loka tempo.

La novaĵ-agentejo Ansa raportis, ke gvidantoj de la sep landoj diskutos pri iuj ŝlosilaj limdatoj de la unio en 2018. La tagordo speciale fokusiĝas pri atendata reformo de Dublina Regularo antaŭ junio, reorganizo de la parlamento de la EU post la retiro de Britio, la reformoj necesaj en la Ekonomia kaj Mona Unio, kaj enmigrado.