Ĉinio kaj agentejoj de UN helpas renkonstruon de Bangladeŝo trafita de katastrofo

Ĉina ambasadorejo en Bangladeŝo kune kun du agentejoj de la UN sabate disdonis helpajn materialojn al suferintoj de inundo de la bangladeŝa distrikto Nilphamari, ĉirkaŭ 360 kilometrojn nordokcidente de Dako.

Bangladeŝaj registaraj oficialuloj, ĉinaj oficialuloj el la ambasadorejo, kaj reprezentantoj de la UN ĉeestis la disdonan ceremonion. Hejmaj materialoj kaj litkovriloj estis disdonitaj al la influitaj familioj en Bangladeŝo.

En la pasinta jaro sud-aziaj musonaj pluvegoj inundis la nordajn ebenaĵojn de Bangladeŝo kaj severe influis milionojn da homoj en 31 distriktoj. La inundo detruis 82 000 domojn kaj difektis multajn aliajn, kaj 320 mil homoj bezonis helpon por ripari siajn domojn kaj anstataŭigi siajn difektitajn posedaĵojn post la retiriĝo de la inundo.

Por subteni la lukton kontraŭ la inundo, la ĉina Ministerio de Komerco partneriĝis kun la Disvolva Programo de la UN por liveri 4 milionojn da usonaj dolaroj al la suferintoj de la inundo.