Rusio atendas fortigi kunlaboron kun Pakistano kontraŭ terorismo

Marde (la 20-an de februaro) Sergei Lavrov, rusa ministro pri eksterlandaj aferoj, diris, ke Rusio atendas fortigi kunlaboron kun Pakistano kontraŭ terorismo kaj kune bati lastajn fortojn de la ekstremisma grupo Islama Ŝtato en la meza Azio.

Laŭ mesaĝo publikigita tiutage en la retejo de la rusa Ministerio pri Eksterlandaj Aferoj, post intervidiĝo kun Khawaja Asif, palestina ministro pri eksterlandaj aferoj, Sergei Lavrov diris al lokaj amaskomunikiloj, ke Rusio volas helpi plu al Palestino altigi kontraŭterorisman kapablon, kaj opinias, ke tio utilos al protektado de sekuraj interesoj en Pakistano.

Sergei Lavrov diris, ke Rusio kaj Pakistano atentas la afganan situacion kaj maltrankvilas pro reapero de teroraj agoj, pliintensiĝo de minaco el narkotaĵoj kaj lastaj fortoj de la ekstremisma grupo Islama Ŝtato en Afganio.

Sergei Lavrov diris ankaŭ, ke lastjare Pakistano oficiale fariĝis la membrolando de Ŝanhaja Kunlabora Organizo kaj aktive partoprenas en diversaj laboroj de la organizo.