Pakistano kaj Irano konsentis kunlabori por bati translandajn terorismajn organizojn

Pakistana ministro pri eksterlandaj aferoj Khawaja Asif renkontiĝis kun sia irana paralelulo Mohammad Javad Zarif lunde en Islamabado. Ambaŭ esprimis maltrankvilon pri sekureco en Afganio kaj konsentis kunlabori por bati translandajn terorismajn organizojn.

La pakistana Ministerio de Eksterlandaj Aferoj diris poste en deklaro, ke la du ministroj interŝanĝis opiniojn pri regiona kaj internacia sekureco. Ambaŭ esprimis maltrankvilon pri la ekzisto de la ekstremisma grupo Islama Ŝtato en Afganio kaj ĝia minaco al la regiono kaj emfazis bezonon de pli forta kunlaboro por komuna bato kontraŭ translandaj terorismaj organizoj.