Rusio: Enketrezulto de OPKA pri nerva preparaĵo estas nekonvinkebla

(GMT+08:00) 2018-04-13 14:14:26     Redaktoro:Yu

Proparolanto de la rusa Ministerio de Eksterlandaj Aferoj Irina Zakharova diris ĵaŭde, ke estas nekonvinkebla la enketrezulto atingita de la Organizo pri Prohibo de Kemiaj Armiloj (OPKA).

La organmizo ĵaŭde publikigis komunikaĵon, dirante, ke ili analizis specimenon de la nerva preparaĵo de la okazaĵo en la brita urbo Salisbury, kaj konfirmis la rezulton de analizado de la britaj aŭtoritatoj.

Zakharova diris en regula gazetara konferenco, ke ĉiuj fakuloj scias, ke samtempe publikigitaj kun la rezulto de enketo devas esti ankaŭ la rezultoj de ekzamenado kaj spektra analizado. Ŝi aldonis, ke Londono ĉiam subtenas disvastigon de malveraj informoj pri la okazaĵo, kaj la rusa flanko opinias, ke publikigo de la tiel nomata enketrezulto estas plia provoko kun la partopreno de la brita sekretservo kontraŭ Rusio.

Fotaro

© China Radio International.CRI. All Rights Reserved.Pri ni   |  Kontaktu Nin