Ĉina vicprezidanto ĉeestos ekonomian forumon en Rusio kaj vizitos Belorusion

Proparolanto de la ĉina Ministerio de Eksterlandaj Aferoj Lu Kang diris lunde, ke ĉina vicprezidanto Wang Qishan vojaĝos al Rusio por ĉeesti la 22an Sankt-Peterburgan Internacian Ekonomian Forumon kaj vizitos Belorusion de la 24a ĝis 29a de majo.

Lu diris en ĉiutaga gazetara konferenco, ke dum sia restado en Rusio, Wang ankaŭ interŝanĝos opiniojn kun rusaj gvidantoj pri duflankaj rilatoj kaj demandoj de komuna zorgo. La vizito fortigos altnivelajn interŝanĝojn inter la du landoj, profundigos ĉiuflankan kunlaboron kaj antaŭenigos plu la ĉina-rusan ampleksan strategian partnerecon de kunordigo.

Lu diris ankaŭ, ke post la ĉeesto al la forumo en Rusio, Wang vojaĝos al Belorusio. Li interŝanĝos opiniojn kun belorusaj gvidantoj pri duflankaj rilatoj kaj vizitos la ĉina-belorusan industrian parkon, specialan ekonomian zonon evoluigatan en la kadro de la iniciato Zono kaj Vojo. La vizito de Wang al Belorusio antaŭenigos duflankajn rilatojn, akcelos ĉiuflankan kunlaboron kaj kreos bonan atmosferon por renkontiĝo inter altrangaj gvidantoj de la du landoj dum la venonta pintkunveno de la Ŝanhaja Kunlabora Organizo.