Ĉinio kaj Britio okazigos 9an strategian dialogon

(GMT+08:00) 2018-07-23 18:33:40     Redaktoro:Yu
Proparolanto de la Ministerio de Eksterlandaj Aferoj, Geng Shuang, anoncis lunde en regula gazetara konferenco, ke laŭ la inivito de ĉina ŝtatkonsilanto kaj ministro pri eksterlandaj aferoj Wang Yi, brita ministro pri eksterlandaj aferoj Jeremy Hunt faros oficialan viziton al Ĉinio kaj kunprezidos la 9an Ĉina-Britan Strategian Dialogon en la 30a de julio.

Dum lia vizito, ĉina ĉefministro Li Keqiang kaj membro de la Politika Buroo de la Centra Komitato de la Komunista Partio de Ĉinio Yang Jiechi renkontiĝos kun Hunt.

Wang kaj Hunt kunprezidos la 9an Ĉina-Britan Strategian Dialogon kaj interŝanĝos opiniojn pri duflankaj rilatoj kaj internaciaj kaj regionaj demandoj.

Geng diris, ke antaŭe en ĉi tiu jaro, brita ĉefministro Theresa May vizitis Ĉinion, markante plian sesion de la jara kunveno inter ĉina kaj brita ĉefministroj. Gvigantoj de ambaŭ landoj atingis gravan konsenton pri antaŭenigo de la "Ora Erao" de ĉina-britaj rilatoj.

Fotaro

© China Radio International.CRI. All Rights Reserved.Pri ni   |  Kontaktu Nin