Blanka Domo: Trump baldaŭ respondos al letero de Kim Jong Un

Proparolanto de la Blanka Domo Sarah Sanders diris ĵaŭde, ke prezidento Donald Trump marde ricevis leteron de Kim Jong Un, la plej alta gvidanto de la Korea Demokratia Popola Respubliko, kaj lia responda letero baldaŭ estos sendita al Kim.

Sanders diris en gazetara konferenco, ke en la korespondo Trump kaj Kim parolas pri siaj promesoj faritaj dum la renkontiĝo en singapuro. Ili promesis klopodi plu por realigi sennukleigon de la Korea Duoninsulo. Sanders dankis la Korean Demokratian Popolan Respublikon pro la transdono de restaĵoj de usonaj soldatoj, kaj diris, ke daŭra kunlaboro inter Usono kaj la Korea Demokratia Popola Respubliko jam faris progreson, kaj ambaŭ flankoj daŭrigos kunlaboron.