Ekspozicio en Honkongo festas 40an datrevenon de reformo kaj pordmalfermo de Ĉinio

(GMT+08:00) 2018-08-10 14:41:20     Redaktoro:Yu

La fotoekspozicio Kundivido de Granda Gloro vendrede malfermiĝis en la Konferenca Centro de Honkongo, por memorfesti la 40an datrevenon de la reformo kaj pordmalfermo de Ĉinio. Pli ol 450 eminentuloj el politikaj kaj komercaj rondoj de Honkongo ĉeestis la inaŭguron.

Ĉefadministranto de la Honkonga Speciala Administracia Regiono, Carrie Lam, diris en sia parolado en la ceremonio, ke en decembro de 1978 en Pekino la 11a Centra Komitato de Komunista Partio de Ĉinio (KPĈ) okazigis la 3an plenan sesion kaj decidis komenci enlandan reformon kaj pordmalfermon al la ekstero por modernigi agrikulturon, industrion, sciencteknikon kaj nacian defendon. En la pasintaj 40 jaroj, Ĉinio akiris grandajn atingojn en la nacia ekonomio kaj socia disvolvado. Ĉinio jam fariĝis la dua plej granda ekonomio, la unua plej granda industria lando, la unua plej granda varkomerca lando kaj la lando kun plej granda rezervo de fremdaj valutoj en la mondo.

Fotaro

© China Radio International.CRI. All Rights Reserved.Pri ni   |  Kontaktu Nin