Ĉinio publikigis rezultojn de enketo pri nenormaj DPT-vakcinoj

Ĉinaj aŭtoritatoj vendrede publikigis la rezultojn de enketo pri nenormaj DPT-vakcinoj produktitaj de la Limigita Kompanio de Wuhan-a Instituto de Biologiaj Produktoj.

La inspekta teamo, konsistanta el membroj de diversaj departementoj inkluzive de la Ŝtata Medikamenta Administracio kaj la Nacia Komisiono pri Sano, trovis miskondukton en la produktado de vakcinoj kaj plenumo de lokaj kontrolaj respondecoj.

DPT estas akronimo de anglaj terminoj (diphtheria, pertussis kaj tetanus) kaj aludas kombinaĵon de vakcinoj por tri infektaj malsanoj: difterio, kokluŝo kaj tetanoso.