Ĉinio: Altigo de tarifoj ne povas solvi demandon de komerca deficito de Usono

Proparolanto de la ĉina Ministerio de Komerco Gao Feng diris ĵaŭde, ke la usonaj unuflankaj rimedoj de aldonaj tarifoj ne povas solvi ĝian demandon de komerca deficito.

Gao diris en gazetara konferenco, ke grandigo aŭ malgrandigo de la komerca malfavora saldo estas decidita de la merkato.

Donitaĵoj de la ĉina dogano montris, ke la favora saldo de Ĉinio en la komerco kun Usono grandiĝis je 7,7% ĝis 1 240 miliardoj da juanoj (ĉirkaŭ 181 miliardoj da usonaj dolaroj) en la unuaj ok monatoj de la kuranta jaro, kun la kresko de eksportado de Ĉinio al Usono je 6,5%.