Prezidanto de IOK bonvenigas intencon de KDPR kaj Sud-Koreio pri komuna gastigo de olimpikoj 2032

Prezidanto de la Internacia Olimpika Komitato, Thomas Bach, diris merkrede, ke li tre bonvenigas la intencon de la Korea Demokratia Popola Respubliko (KDPR) kaj Sud-Koreio pri komuna kandidatigo al gastiganto de la olimpikoj 2032.

Merkrede en Pjongjango okazis intertraktado inter la plej alta gvidanto de la KDPR Kim Jong Un kaj sud-korea prezidento Moon Jae-in. Konkretaj planoj pri kunlaboro inter la KDPR kaj Sud-Koreio en ekonomio, turismo, sanzorgo, kulturo kaj sporto inkluzivas la enhavon, ke la du flankoj kune kandidatos al gastigo de la olimpikoj 2032.

Bach diris, ke sporto refoje kontribuos al paco de la Korea Duoninsulo kaj la mondo post la Vintraj Olimpikoj en Pyeongchang, Sud-Koreio, kaj la Internacia Olimpika Komitato sincere esperas, ke la politika intertraktado povos ebligi la komunan kandidatigon al olimpika gastiganto.