Okazis kunveno pri disvolvado de sociaj organizoj kaj progreso de homaj rajtoj en Ĉinio

(GMT+08:00) 2018-11-06 15:02:44     Redaktoro:Selena

Ĉinaj sociaj organizoj lunde matene okazigis flankan kunvenon kun la temo "Disvolvado de ĉinaj sociaj organizoj kaj progreso de homaj rajtoj en Ĉinio: 40 Jaroj de Reformo kaj Pordmalfermo" en la Palaco de Nacioj en Ĝenevo. Ĉirkaŭ 50 reprezentantoj el internaciaj organizoj kaj neregistaraj organizoj ĉeestis la kunvenon.

Liu Kaiyang, ĝenerala vicdirektoro de la Ĉina Reto de Neregistaraj Organizoj por Internaciaj Interŝanĝoj diris, ke ĉinaj sociaj orgnaizoj senĉece progresis pro la subteno de la registaro kaj ludis pozitivan rolon en akcelo de ekonomia kaj socia disvolvado kaj homaj rajtoj.

Chen Hongtao, ĝenerala vicsekretario de la Ĉina Fonduso por Elimino de Malriĉeco, konigis al la ĉeestantoj praktikon de la fonduso en elimino de malriĉeco en Ĉinio kaj aliaj landoj kaj ĝiajn klopodojn por efektivigo de la Raporto pri Jarmila Disvolva Celo kaj la Tagordo 2030 de la UN pri Daŭripova Disvolvado. Krome, li informis la ĉeestantojn pri la pozitiva rolo de ĉinaj sociaj organizoj por progreso de homaj rajtoj en Ĉinio.

Fotaro

© China Radio International.CRI. All Rights Reserved.Pri ni   |  Kontaktu Nin