Ĉinio prenis truddevigajn rimedojn kontraŭ du kanadanoj

Proparolanto de la ĉina Ministerio de Eksterlandaj Aferoj Lu Kang diris ĵaŭde, ke truddevigaj rimedoj estis prenitaj kontraŭ du kanadanoj suspektataj pri endanĝerigo de la nacia sekureco de Ĉinio.

Lu diris, ke laŭ la Kriminala Leĝo de Ĉinio kaj la Kodo de Kriminala Proceso, la Pekina Municipa Buroo de Ŝtata Sekureco kaj la buroo de ŝtata sekureco de la urbo Dandong en la ĉina nordorienta provinco Liaoning respektive prenis truddevigajn rimedojn kontraŭ la du homoj laŭ leĝo en la 10a de decembro.