Finaj rezultoj ankoraŭ bezonas komunan klopodon de Ĉinio kaj Usono

(GMT+08:00) 2019-01-10 14:14:14     Redaktoro:Yu
Laŭ rezultoj de la intertraktado, la du flankoj atingis konsenton. Ĉinio promesis grandigi importadon de agrikulturaj produktoj el Usono por kontentigi la bezonon de ĉinaj konsumantoj pri altkvalita vivo kaj akceli ekonomian disvolvadon, dum la usona flanko prezentis pli detalajn postulojn pri la eksportoj de Ĉinio el Usono. Krome, la usona flanko menciis strukturajn demandojn. Iuj el ili tuŝas la nacian sistemon, sekurecon kaj ideologion de Ĉinio kaj estas neakcepteblaj por la ĉina flanko. Iuj aliaj, ekzemple tiuj pri protektado de la rajtoj de intelekta proprieto, kongruas kun la direkto de pli profunda reformo kaj pli vasta pordmalfermo de Ĉinio kaj estas traktataj.

La du flankoj akiris progreson fine en la vicministra intertraktado post naŭ monatoj ekde la komerca konflikto ĉefe pro tio, ke ambaŭ flankoj kaj eĉ la tuta mondo pli kaj pli multe sentas la doloron de komerca milito.

Dum la pintkunveno en Argentino, ĉina kaj usona ŝtatestroj konsentis doni 90 tagojn por intertraktado de la du flankoj. Nun pasis jam 40 tagoj. Tial ambaŭ flankoj alfrontas urĝan taskon. Estis bona komenco, ke dum la vicministra intertraktado, la du flankoj konsentis subteni striktan kontakton.

Fotaro

© China Radio International.CRI. All Rights Reserved.Pri ni   |  Kontaktu Nin