Macron: Interkonsento pri retiro de Britio el EU estas neretraktebla

(GMT+08:00) 2019-01-30 14:19:07     Redaktoro:Yu

Franca prezidento Emmanuel Macron diris marde, ke la membroj de la Eŭropa Unio devas sin prepari por la ebla malmola retiro de Britio el la EU, ĉar la interkonsento atingita inter Britio kaj la EU estas neretraktebla.

En deklaro ĉe la fino de kunveno de la gvidantoj de la sep sudaj eŭropuniaj landoj en Nikozio, Macron vokis Brition prezenti la sekvajn paŝojn por eviti seninterkonsentan foriron de la lando el la EU.

Macron diris, "Mi esperas, ke post la voĉdono en la Ĉambro de Deputitoj, la brita registaro prezentos al nia reprezentanto por la intertraktado Michel Barnier la sekvajn paŝojn, kiuj ebligas eviti seninterkonsentan foriron de Britio el la EU. Neniu volas vidi tian rezulton, sed ni ĉiuj devas fari preparon por tia rezulto malgraŭ ĉio."

Li diris, ke la Eŭropa Konsilio klare montris, ke la interkonsento inter la EU kaj Britio estas la plej bona, kaj nova intertraktado ne povas esti malfermita.

Fotaro

© China Radio International.CRI. All Rights Reserved.Pri ni   |  Kontaktu Nin