Ŝtatestroj ludas ŝlosilan rolon en traktado de ekonomiaj kaj komercaj demandoj inter Ĉinio kaj Usono

Ĉinio kaj Usono finis la sesan altnivelan ekonomian kaj komercan konsiliĝon vendrede en Pekino. Ĉina prezidanto Xi Jinping renkontiĝis kun usona komerca reprezentanto Robert Lighthizer kaj ministro pri financo Steven Munuchin, kiuj venis al Ĉinio por nova ĉina-usona altnivela ekonomia kaj komerca konsiliĝo. Xi diris, ke Ĉinio kaj Usono estas strikte interplektitaj kaj interdependaj, kaj kunlaboro estas la plej bona elekto. Li esperis, ke teamoj de la du flankoj intensigos komunikadon, fokusiĝos al kunlaboro, regos malkonsentojn kaj akcelos sanan kaj stabilan disvolvadon de ĉina-usona ekonomia kaj komerca kunlaboro kaj la duflankaj rilatoj laŭ la principo kaj direkto fiksitaj de li kaj lia usona paralelulo Donald Trump.

De post la eskalado de la ekonomia kaj komerca konflikto inter Ĉinio kaj Usono en la lasta februaro, la du flankoj okazigis kelkajn konsiliĝojn, tamen estis la unua fojo, ke Xi renkontiĝis kun la usonaj delegitoj, kio signifas, ke ĉi-foje la konsiliĝo faris grandan paŝon antaŭen surbaze de la grava perioda progreso atingita en la vaŝingtona konsiliĝo antaŭ du semajnoj kaj indikas, ke la du ŝtatestroj ĉiam ludas ŝlosilan rolon de gvidado en traktado de la ekonomiaj kaj komercaj demandoj inter la du landoj.

Analizantoj diris, ke dum la renkontiĝo kun la usonaj delegitoj, Xi kelkfoje emfazis kunlaboron, kio montris la sincerecon kaj bonintencon de Ĉinio konvene solvi la demandojn en la maniero de kunlaboro.

Menciinde estas, ke la du flankoj akordiĝis precipe pri gravaj demandoj kaj havis konkretajn diskutojn rilate al memorando de kompreno pri duflankaj ekonomiaj kaj komercaj demandoj. Ili promesis intensigi sian laboron en la limtempo fiksita de la du ŝtatestroj por la konsiliĝo kaj klopodi por atingi konsenton. Ili konsentis, ke la konsiliĝo estos daŭrigita en Vaŝingtono en la venonta semajno.