Nacia Komitato de ĈPPKK fokusiĝas al elimino de malriĉeco kaj regado de poluo

Sabate en Pekino, Guo Weimin, proparolanto de la 2-a plena sesio de la 13-a Nacia Komitato de la Ĉina Popola Politika Konsultiĝa Konferenco (ĈPPKK), diris, ke en la pasinta jaro, la Nacia Komitato de la ĈPPKK fokusiĝis al elimino de malriĉeco, preventado kaj regado de poluo, privata ekonomio kaj reformado de medicina servo kaj faris multajn proponojn.

Pri elimino de malriĉeco en severe malriĉaj regionoj, fakaj komitatanoj faris enketojn kaj esplorojn en 34 malriĉaj gubernioj de 6 provincoj kaj prezentis 233 proponojn. Multaj proponoj estis alte atentataj kaj adoptitaj de koncernaj departementoj kaj ludis pozitivan rolon por gajni la batalon kontraŭ malriĉeco.

Pri disvolvado de la privata ekonomio, alte atentata de la socio, Guo diris, ke nemalmultaj komitatanoj el privataj entreprenoj opinias, ke ili sentas subtenon de la centra registaro por privataj entreprenoj kaj esperas, ke koncernaj departementoj povos efektivigi politikojn kaj rimedojn de la centra registaro.