Pakistano instigas siajn kompaniojn partopreni en kontruado de pakistana-ĉina ekonomia koridoro

 Pakistana ministro pri planado, disvolvado kaj reformo Makhdoom Khusro Bakhtiar diris merkrede en la ĉefurbo Islamabado, ke la registaro decidis establi komercan forumon pri la pakistana-ĉina ekonomia koridoro por akceli maksimuman partoprenon de la pakistana komerca rondo en la konstruado de projektoj de la koriodoro.

Bakhtiar faris la rimarkojn en gazetara konferenco. Li diris, ke la komitato de la pakisnata kabineto pri la pakistana-ĉina ekonomia koridoro jam decidis establi la forumon por helpi al la lando redukti komercan deficiton per plifortigo de industria kunlaboro kaj partopreno de pli da privataj sektoroj en konstruado de la koridoro. Li aldonis, ke la forumo invitos reprezentantojn de la tutlanda komerca rondo, la industria kaj komerca federacio, komerca komitato kaj aliaj ekonomiaj sektoroj.

Bakhtiar diris ankaŭ, ke la pakistana registaro gvidata de ĉefministro Imran Khan firme plenumos sian promeson pri konstruado de la koridoro, kaj uzos la koridon por krei pli da laborpostenoj kaj impostenspezo, redukti malriĉecon kaj disvolvi la ekonomion.