Xi emfazas vastan partoprenon en forstumado

Ĉina prezidanto Xi Jinping lunde emfazis klopodojn por daŭrigi la ĉinan nacian tradicion ami, planti kaj protekti arbojn, kaj engaĝi la tutan socion en forstumadon.

Xi, ankaŭ ĝenerala sekretario de la Centra Komitato de la Komunista Partio de Ĉinio kaj prezidanto de la Centra Milita Komisiono, faris la rimarkojn dum partopreno en plantado de arboj en Pekino. Li diris, ke ĉiuj en Ĉinio devas esti instigitaj al partopreno en grandskala forstumado de la lando por atingi pli efektivajn rezultojn.