Dua Ĉina Internacia Importa Ekspozicio altiris 250 mondfamajn firmaojn

(GMT+08:00) 2019-05-10 13:18:54     Redaktoro:Yu

La varbado de partoprenantoj de la dua Ĉina Internacia Importa Ekspozicio progresis pli rapide ol tiu por la unua ekspozicio kaj proksimiĝis al la fino. La ekspozicio jam altiris pli ol 250 el la Mondaj 500 Kompanioj kaj industriaj gvidantoj.

Raportisto informiĝis pri tio ĵaŭde en kunsido de alianco de firmaoj aliĝintaj al la ekspozicio. Ĝis nun la nombro de membroj de la alianco jam atingis 68 firmaojn, kiuj postulas proksimume 50 mil kvadratajn metrojn da spaco por sia eksponado.

Ĉina vicministro pri komerco Wang Bingnan esperis, ke la alianco de firmaoj aliĝintaj al la ekspozicio faros konstruemajn proponojn pri industriaj politikoj, malfermo al la ekstero kaj merkataliro.

Fotaro

© China Radio International.CRI. All Rights Reserved.Pri ni   |  Kontaktu Nin