En Pekino okazis kunsido pri dubordaj rilatoj kaj nacia rejuniĝo

La Esplorcentro pri Rilatoj inter la Du Bordoj de la Tajvana Markolo kaj la Ĉina Qingyan-Fondaĵo por Paca Edukado okazigis kunsidon pri la dubordaj rilatoj kaj nacia rejuniĝo en Pekino lunde matene. Ĝin ĉeestis Liu Jieyi, direktoro de la Oficejo pri Tajvanaj Aferoj de la Centra Komitato de la Komunista Partio de Ĉinio kaj la Oficejo pri Tajvanaj Aferoj de la Ŝtata Konslio, kaj Hung Hsiu-chu, eksa prezidanto de la ĉina partio Kuomintango, kaj aliaj proksimume 100 reprezentantoj el diversaj rondoj de la du bordoj.

La ĉeestantoj interŝanĝis opiniojn ĉirkaŭ la temo "dubordaj rilatoj kaj nacia rejuniĝo" kaj pri firmigo de la politika fundamento de paca disvolvado de la dubordaj rilatoj, profundigo de la integrita disvolvado de la du bordoj, akcelado de junularaj interŝanĝoj inter la du bordoj kaj disvastigo de eminenta ĉina tradicia kulturo.