Ĉina ambasadoro: Nuklea deadmono celanta ne-nukleajn ŝtatojn estas signo de hegemonio

Ĉina ambasadoro pri aferoj de malarmado Li Song diris dum la okazanta Konferenco pri Malarmado en Ĝenevo, ke la nuklea deadmono direktita kontraŭ ne-nuklearmilaj ŝtatoj estas manifesto de hegemonio kaj politiko de forto.

Li faris la rimarkojn marde dum la dua parto de la sesio 2019 de la Konferenco pri Malarmado, kiam diskutoj okazis en neformala okazo pri la demando de nuklea deadmono. La sesio finiĝos la 28an de junio.

Li atentigis, ke la politiko de nuklea deadmono, bazita sur la unua uzo de nukleaj armiloj, mem estas unu el la plej grandaj minacoj al internacia paco kaj sekureco. Li diris, ke la spirito de la pensmaniero de Malvarma Milito ankoraŭ estas en la genoj de iu grava potenco dum ilia pripensado pri nacia sekureca strategio. La serĉado de unuflankeco, akrigo de konkurenco inter grandaj landoj kaj geopolitika rivalado, kaj la serĉado de superabunda milita avantaĝo de koncerna lando plimalbonigis la medion de internacia sekureco.

Dum la sesio, la ambasadoro ripetis la ĉinan nuklean strategion kaj ĝian pozicion pri nuklea malarmado. Li diris, ke Ĉinio firme sekvas la nuklean strategion de memdefendo.