Fokusoj de la Semajno (Jul. 19)

(GMT+08:00) 2019-07-19 11:44:08     Redaktoro:Yu

Saluton, karaj aŭskultantoj! Selena kore bonvenigas vin al la vendreda programero Fokusoj de la Semajno. Bonvolu aŭskulti nian resumon de lastatempaj okazaĵoj.

Donitaĵoj lunde publikigitaj de la Nacia Statistika Buroo montris, ke la malneta enlanda produkto de Ĉinio grandiĝis je 6,3% en la unua duono de 2019 kompare kun la sama periodo de la lasta jaro kaj kalkuliĝis al ĉirkaŭ 45,09 duilionoj da juanoj. La ĉina ekonomia funkciis ĝenerale stabile kaj restis en racia amplekso, kun progreso atingita en iuj kampoj. La rezulto estis malfacile atingebla sub la internacia ekonomia situacio kun leviĝantaj unuflankeco kaj ekonomia protektismo

Pro pliiĝo de eksteraj necertecoj ekde la kuranta jaro, la ĉina ekonomio alfrontas pli grandan malsupreniran premon. La kresko de 6,3% en la unua duono de la kuranta jaro estas iom malpli ol tiu de 6,4% en la unua trimestro, tamen la kresko meze de ĝenerala malrapidiĝo de la tutmonda ekonomio estas konforma al la jara celo de 6% ĝis 6,5%, kiun fiksis la registaro por 2019.

Multaj aliaj landoj ankoraŭ ne publikigis siajn ekonomiajn donitaĵojn de la unua duono de tiu ĉi jaro, tamen laŭ prognozoj de internaciaj organizoj, la ĉina ekonomio restis inter la plej bonaj de la mondaj ĉefaj ekonomioj per la kresko de 6,3%. Ĉinio okupas 30% de la kontribuo al la monda ekonomio kaj restas forta motoro de la monda ekonomio.

La stabila kresko kaj altkvalita disvolvado de la ĉina ekonomio devas esti atribuitaj al komunaj klopodoj de la ĉina registaro kaj entreprenoj. La registaro persistas en efektivigo de aktiva financa politiko kaj prudenta monpolitiko kaj prenis serion da rimedoj por redukto de impostoj, kio certigas la ekonomian funkciadon en racia amplekso.

Tiu ĉi jaro markas la 18an datrevenon de la subskribo de la Ĉina-Rusa Bonnajbara Trtaktato de Amikeco kaj Kunlaboro. Proparolanto de la ĉina Ministerio de Eksterlandaj Aferoj Geng Shuang diris merkrede en regula gazetara konferenco, ke la ĉina-rusaj rilatoj fariĝos pli firmaj kaj pli viglaj en la nova epoko, kaj la du flankoj senŝanceliĝe klopodos plu por cementi kaj profundigi tutdimensian strategian kunlaboron, sin dediĉos al realigo de komuna prospero, kune defendos internacian egalecon kaj justecon kaj aldonos pozitivan energion al la mondo.

Estis raporto, ke rusa ministro pri eksterlandaj aferoj Sergey Lavrov refutis la teorion pri "minaco de Ĉinio" merkrede dum intervjuo kun raportistoj. Li diris, ke la rusa-ĉina strategia partnereco de kunordigo jam eniris la novan epokon, kaj politiko de la du landoj pri disvolvado de bonnajbareco estas tutdimensia kaj longperioda; la duflanka kunlaboro estas direktita al neniu tria partio kaj celas akceli ekonomian disvolviĝon kaj socian prosperon de la du landoj kaj profitigi la du popolojn.

Geng diris, ke la ĉina flanko tre aprezas la rimarkojn de Lavrov pri rilatoj inter la du landoj. Li aldonis, ke en la lastaj jaroj sub la gvidado de la du ŝtatestroj, la ĉina-rusaj rilatoj realigis senprecedencan grandan disvolviĝon kaj kunlaboro rikoltis riĉajn fruktojn en ĉiuj kampoj.

La irana oficiala Islam-Respublika Novaĵ-Agentejo raportis lunde, ke la Irana Atom-Energia Organizo tiutage publikigis deklaron, dirante, ke Irano ankoraŭ volas solvi malkonsenton per diplomatia vojo kaj vokas eŭropajn landojn kaj Usonon plenumi siajn promesojn sub la Komuna Ampleksa Agadplano pri la irana nuklea demando, alie ĝi plialtigos la abundecon de sia urani-riĉigo.

La raporto citis la deklaron, ke la urani-riĉigo de Irano jam superis la limigitan abundecon de 3,67% kaj la limigitan stokon de 300 kilogramoj, kaj la abundeco de riĉigita uranio atingis 5,4%. Irano diris, ke se eŭropaj landoj kaj Usono rifuzos plenumi siajn promesojn, ĝi kapablos revenigi la nuklean aktivecon al la nivelo antaŭ subskribo de la nuklea interkonsento.

Fotaro

© China Radio International.CRI. All Rights Reserved.Pri ni   |  Kontaktu Nin