Ĉinio akcelas aĉetadon de usonaj agrikulturaj produktoj

(GMT+08:00) 2019-10-16 12:31:16     Redaktoro:Yu

Proparolanto de la Ministerio de Eksterlandaj Aferoj konfirmis marde, ke Ĉinio jam komencis aĉeti usonajn agrikulturajn produktojn kaj rapidigos aĉetojn.

Proparolanto Geng Shuang diris en gazetara konferenco, ke surbaze de enlanda merkata postulado kaj laŭ siaj propraj iniciatoj, ĉinaj kompanioj aĉetis usonajn agrikulturajn produktojn en merkat-orientita maniero.

Geng diris ankaŭ, ke la aĉetado de usonaj agrikulturaj produktoj ĝis nun ĉi-jare inkluzivas 20 milionojn da tunoj da sojfabo, 700 000 tunojn da porkaĵo, 700 000 tunojn da sorgo, 230 000 tunojn da tritiko kaj 320 000 tunojn da kotono.

Fotaro

© China Radio International.CRI. All Rights Reserved.Pri ni   |  Kontaktu Nin